Хусусан, Марказий Осиё республикаларининг жаҳон ЯИМдаги улуши атиги 0,4 фоиздан иборат. Аҳоли жон бошига тўғри келадиган кўрсаткич эса, дунёнинг ўртача даражасидан деярли уч баробар паст. Минтақа мамлакатларининг иқтисодий ривожланишига тўсиқ бўлаётган асосий омиллардан бири маҳаллий транспорт воситаларининг жаҳон савдо йўлларига чиқа олмаётганидир. Жаҳон банки маълумотига кўра, Марказий Осиё давлатлари дунёнинг халқаро иқтисодиётга боғлиқлиги энг кам бўлган иқтисодиётлар қаторига киради. Минтақага импорт ва минтақадан экспорт қилиш нархларининг юқорилиги маҳсулотлар рақобатбардошлигини пасайтиради ва импорт товарларнинг қимматлашувига олиб келади. Масалан, Марказий Осиёнинг исталган мамлакатидан Шанхайга контейнер етказиб бериш нархи Польша ёки Туркиядан контейнер етказиб бериш нархидан беш баробар қимматдир. Марказий Осиёнинг географик жойлашуви минтақага Евроосиёдаги асосий логистика ва транспорт марказларидан бирига айланиш, денгизга чиқишнинг иложи йўқлиги,