Ҳа, азизлар, кейинги икки ой ичида ўзбеклигимиздан фахрланишга арзигулик оламшумул ишлар бўляпти. Яъни “ўзбек” деган сўзни оламга машҳур мураббий ва мутахассислардан тортиб, футболчилар ҳам тез-тез тилга олишяпти. Йўқ, бу ҳали ҳаммаси эмас. “Ўзбек” сўзи ижтимоий тармоқларда футбол ҳақида берилаётган матнли ва тасвирли материалларнинг “қон томири”га айланди. Биргина қуйидаги сарлавҳаларга бир эътибор беринг-а: “Топ-жамоалар ўзбек учун тортишдилар”, “Ўзбек “Манчестер”да ўйнайди”, “Ўзбек “Сити” сафидаги илк голини урди”, “Гвардиола ўзбекнинг ўзига хос жиҳатлари ҳақида гапирди”, “Холанд ўзбекни қандай ҳимоя қилди?”, “Мбаппе ва ёш ўзбекнинг чемпионлар лигасидаги “дуэли”, “Ўзбек ҳақидаги пост интернетни “портлатди”, “Гвардиола ўзбек нима учун сотиб олинганини изоҳлади”... Ҳатто жаҳондаги энг нуфузли нашрлардан бири – “The Times” газетаси ҳам “Ўзбек” ҳақида мақола эълон қилди. “Ўзбекистонлик футболчи тезлик борасида Кайл Уокердан кам эмас” сарлавҳали мақ