Навбатдаги саҳифаларда келтирилаётган парча АҚШнинг Темпл университети (Филадельфия шаҳри, Пенсильвания штати) профессори Майкл Брайан Оксфорд университети талабалари учун дарслик сифатида ёзган “Literary Theory: A Practical Introduction” (“Адабиёт назарияси: Амалий кириш”) китобининг 2017 йилда чоп этилган учинчи нашри таржимасидан олинди. Дарсликни шоир ва таржимон Фахриёр (Фахриддин Низомов) ўзбекчалаштирди, китоб яқин орада ўқувчилар қўлига етиб боради. Адабиёт структураси деганда нима назарда тутилаётганини англаш учун одам танаси ҳақида ўйлаб кўринг. Танадаги скелет организмнинг ишлаши учун ҳал қилувчи аҳамиятга эга, аммо у кўзга ташланмайди. Адабий асарнинг ҳам шундай кўзга ташланмайдиган скелети – структураси бор. Аммо у асарга мазмун бағишлайди, унинг бадиий асар сифатида мавжуд бўлишини таъминлайди. Структура ҳақида ўйлаб кўриш учун спортдан яна бир мисол келтирамиз. Теннис ёки гольф ўйинларини тасаввур қилинг. Ўйин қоидасини билмасангиз, нега икки эркак тўпни у ёқд