Ушбу мулоҳазамиз қуйида биз сўз айтишга журъат этган мавзуга ҳам бевосита дахлдор. Зотан, миллат тушунчасининг замонавий формати биз кўниккан анъанавий концептдан фарқланади. Тасаввурларимизга худди савқитабиийдек ёпишиб қолган “миллат” глобал ижтимоий-маданий тафаккур ўлароқ узоқ йиллар онгимизда билвосита шакллантирилган, айрим миллий кодлар ёки этнослар йиғиндиси эмас. Шу маънода гапирадиган бўлсак, бугун илмий ва сиёсий матнларда “мода”га кирган “Миллий давлат” ҳам муайян бир этноснинг давлати эмас. Албатта, ушбу фикрлар кимларгадир ғалати эшитилиши мумкин, аммо бунга мувжуд фикр эмас, балки бизнинг тасаввурларимиздаги аралаш-қуралаш, ғализ ва консерватив ҳамда колониал тасаввурлар кўпроқ сабабчи, деган ўйдамиз. Конструктивизм Миллатга оид тафаккурни таъқиб қилувчи ғоя бу социологиянинг “конструктивизм” мактабидан келиб чиққан қуйидаги назарий хулосадир: “Миллат бу сунъий равишда ўйлаб топилган интеллектуал тасаввурдир...”. Бундай талқин билан баҳслашиб ўтирмаймиз. З